ඈත ඉදන් මම ආවේ ඔබ හා එක් වෙන්නයි
හඬ නැගුවේ පෙණ නැගුවේ ඔබ හට ලං වෙන්නයි
අසුරු සැනින් අප හමුවී යලි වෙන්වී යනවයි
ඔබ හා ඉන්නට මට පෙර පින් මදි බව සත්තයි
මගෙ පෙණ කැටි ගෙනෑන මුතු ඔබහට පලදන්නම්
සඳ එළියට දිදුලන වැලි තල මම සිප ගන්නම්
ඈත ඉඳන් උනත් නුඹට මම සෙනෙහස දෙන්නම්
කවදා හෝ ඔබ ලය මත වැතිරී මිය යන්නම්
දහස් වරක් ඔබ සතුවී මම යලි මියැදෙනවා
ඔබේ සුසුම් කඳුළු බිංදු මම පිසදාලනවා
හැම රැයේම ඔබ හා මම රහසේ එක වෙනවා
මගේ කඳුළු සඟවා මම හැමදා හිනැහෙනවා
